Google ADS

Kryetari i Gjykatës Supreme takon Ministren e Drejtësisë, dakordohen për bashkëpunim në Strategjinë e Sundimin e Ligjit

13:02 | 28 Tetor 2021
L G

Kryetari i Gjykatës Supreme të Republikës së Kosovës, Enver Peci ka pritur sot në takim, ministren e Drejtësisë, Albulena Haxhiu, me të cilën kanë diskutuar për mundësitë e bashkëpunimit dhe adresimin e çështjeve të caktuara që ndërlidhen me dy pushtetet, atë gjyqësor dhe ekzekutiv.

Kryetari Peci shprehu gatishmërinë për të thelluar bashkëpunimin me Ministrinë e Drejtësisë, në kuptim të zbatimit të Strategjisë për Sundimin e Ligjit, në koordinimin e nevojshëm rreth komisioneve të ndryshme, ku kërkohet angazhimi i gjyqtarëve dhe në çështje tjera që ndërlidhen me bashkëpunimin ndërinstitucional.

Në anën tjetër, edhe ministrja Haxhiu e konsideroi të nevojshëm thellimin e bashkëpunimit dhe koordinimin për aktivitetet mes tyre./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm